السلام عليكم ورحمة الله||~
قصيده فوائد الله ينفع بها ||~
وصح السان شاعرها ||~
يا الله يـا اللـي نبتهـل لـك ونخشـاك
يــا خـالـق الدنـيـا ورافــع سـمـاهـا
يا واحـدٍ مـا هـي بتحصـى عطايـاك
الخلـق كــل الخـلـق مـحـدٍ حصـاهـا
الجود من جودك وعطفك وحسنـاك
يـا مستجيـب الداعـيـه فــي دعـاهـا
أنـت الكريـم اللـي نخـافـك ونــدراك
لــو لاك نفـسـي مــا تحـقـق منـاهـا
أنـك تثبتـنـي عـلـى غـايـة ارضــاك
عـبـدك ولا غـيـرك حيـاتـي ولاهـــا
سجـدت لـك يــا دايــرٍ كــل الأفــلاك
يــا غـايـة الشـكـوى ويــا منتهـاهـا
لــولاك يــا رب السـمـاوات لـــولاك
مـا تقبـل التوبـه عـلـى مــن نـواهـا
يـا العبـد مالـك غيـر ربّـك ومــولاك
كــل البـشـر تفـنـى ويمـحـى ذراهـا
اهْـو الـذي صـوّرك سـوّاك وأنشـاك
إعجـاز مـا وصـل البشـر مستـواهـا
لا تشمـت العالـم وتنـسـى خطـايـاك
احكم هوى نفسـك وحاسـب خطاهـا
حاسب ضميرك قبل لا تدفـع خطـاك
كـم مـن قـدم قلـب المشـقـى حفـاهـا
علـيـك بالإحـسـان والــرب يحـمـاك
مـن قــدم الحسـنـات يلـقـى جـزاهـا
شيطـان نفـسـك لا يـغـرّك ويـغـواك
قبلـك غــوى نــاسٍ وكدّر صفاهـا
من زمرة الطاغوت حـذراك حـذراك
لا تبتـلـي بـجـروح يصعب دواهـا
وإلى مشيت اعرف دروبك ومـمـشاك
احرص على نفسـك وخالـف هـواهـا
أمّــارةٍ بالـسـوء مــا هــي بتـنهاك
اقبـض عليهـا لـيـن يجـلـى صـداهـا
اقـطــع نـوايـاهـا بـديـنـك وتـقواك
هـلّــل وعـنــد الله سـريـعٍ شـفـاها
والعيـن لا تنـظـر بـهـا مــن تـعـدّاك
المحصـنـه لــو تلتـفـت لك وراهـا
اصبـر علـى همّـك وغـمّـك وبـلـواك
عـــف وتـعـفـف لا يـغــرّك حلاهـا
واترك حرام القوت مـا هـو بيمـلاك
كــل البـطـون الجايـعـه مـا ملاهـا
رشفة حلال اتسد جوعك ومضمـاك
تسـوى مشـاريـب الـحـرام وغثـاها
النـار فـي جوفـك وتصـلـى حنـايـاك
نــار الجحـيـم تـزيـد لـلي وطـاهـا
واحـفـظ لسـانـك لا يـجـرك ويـبـلاك
اخــذ الثميـنـه لـو غـلـى مشتـراهـا
الهـرج ميـزانـك ويكـشـف خفـايـاك
كـلـمـة تـعـيـبـك لا تـبـيّن نـبـاها
صون الكلام وصون نفـسـك ومبـداك
للنـفـس حشـمـة لا تفـصّـم عـراها
اصمت مدامك عـارفٍ سيـر مجـراك
لا تـنـقـل الـنّـمـة وتـبحث خفاها
يــزول قــدرك عـنـد أقـرب دنـاياك
لـو هـو ولـد عـمّـك حيـاتـك جفـاها
واحلـم تـراه الحـلم يـرفـع مـزايـاك
هــو سـيّـد الأخـلاق هــو مبـتداها
وصّى به المبعـوث مـا هـو بيخفـاك
شفـعـيـنـا يـوم الـمـلاقـاة طـه
خـل الجهـل لا تجعـل الغيـظ ياطـاك
تـرى الجهـل سـم القلـوب وعمـاهـا
وإلى ابتليـت ارفـع إلـى الله شكـواك
لا بـدّهــا الأيام تـكـشـف غـطاها
اصبـر يزيـن الحـظ ويزيـن مـرمـاك
الله يـفـرجــهــا ويـدفـع بـلاهـا
لا تمنـع المـحـروم لا من تنـصّـاك
الناس لأجل الناس وأحسن عـطـاهـا
ابــــذل لــوجـــه الله والله يجزاك
مثـل الغـروس اتطيـب للـي سقـاهـا
لا ضاع معروفك ولا ضـاع حـسنـاك
إن كــانــهـا لله تـلـقـى جـزاهـا
جارك ولو هو جار تسقيه من مــــاك
عـلـيـه لا تـرفع يـديـنك عـصاهـا
أحسن جوار الـجـار لـو كـان يشنـاك
ترى العـرب تحشـم كـلاب اقصراهـا
بـكــره يـشــد ويـكـتـب الله فرقاك
عـسـاه يـذكـر جيـرتـك مــا نـساها
الظلـم شيـن ويجعـل الـنـار مـثـواك
راع الظليـمـه عيشـتـه مــا هـنـاهـا
فوقـك إلــه الـعـرش عـالـم نـوايـاك
ينظـر قلـوب النـاس وش محتواهـا
يسمـع بمـا تجهـر وعـارف خفايـاك
بأمره شروق الشمس ترسل ضيـاهــا
هـو عـالـمٍ غيـبـك وركّــب خـلايـاك
هـو خالـقٍ فـيـك الـعـروق ورواهــا
والضيف لـه حـقٍ إلـى حـل بحمـاك
قـلّـط ضـيــوف الله وأكرم لـحاهـا
لا تحقـر الضيـفـان واتـشـح بـغـذاك
مــن مــا عـطاك الله قـلّـط عـشاها
وعليـك باللـي حـزة الضيـق يـفـداك
لا شـانــت الـدنـيـا ودارت رحـاهـا
لا من زهمته لو عــلـى المـوت لبّـاك
عينـي لجـل عينـك وروحــي فـداهـا
ترى الخوي نبراس روحـــك وم لْجاك
لا كـلّـحت بـقـعا وزادت غـثـاهـا
حذراك من بعض المخاليـق حــذراك
بعض العرب مـا تفرقـه مـن نساهـا
تايـه وضـايـع بـيـن ذولا .. وذولاك
فـيــه الجـهـالة واصلٍ منـتهـاهـا
لشاعر راشد بن زميع القحطاني ||~
الإثنين يونيو 04, 2012 10:57 am من طرف 
موضوع: آلجود منْ {جوددك} ,وعطفك,وحسنآأإك||~ 
